隨口講下

1. 以對白黎講，電影《Revolutionary Road》係我近幾年來睇到最好的一部（我看過的電影實在係少得可憐），它已超越了《Match Point》在我心目中的地位。 最近在書館搵到這本同名小說，好似都有幾多人爭住睇，真係令人期待。

2. 咩事，搵架單車踩下都咁難？兩千蚊美金一架單車真係唔講得笑，擺明歧視我窮啦。

3. “咿，原來係隻表啊？你幾時見我戴過表？”
“就係未見過先揀隻黎送妳。唔戴就唔好收啦，我轉送人。”
“喔，生日禮物黎？我好似唔係今日生日喔！”
“我後日飛機啊小姐，唔想空運給妳。係咪唔中意，唔好勉強收下。”
“收，梗係收啦，又唔係貴嘢，怕咩收喔。呵呵。”
“唔好咁刻薄，因住無人要。”
“多謝咁真誠的祝福啊！”

4. 我好鬼中意《House》裏邊的Dr. House 。

5. 現在桌上放著的係DD送的幾本書，其中一本係我十分珍惜的《寒武紀》，時常隨意翻著一頁兩頁黎睇，今日睇這首《算術急口令》的一段：

一個O，一個一
一個O除一個一
山盟海誓嘴甜蜜

笑，O同一，我即時唸到性交喔，我的意識係咪也太下流呢，睇李天命的詩居然睇成咁，笑。

6. Renu（contact lenses solution）送的要用在某運動連鎖店的一千蚊voucher用極都仲有七百幾囖，唉，幾時先可以用完啊？

7. 《葉問》我有睇啊！覺得甄子丹演葉師傅似乎唔多成功，全戲都係得一個表情，明明好幾處重要的文戲都演得唔好，我幾中意林家棟的演出就真。至于內容，我睇完都不知幾熱血沸騰，不過我係因為那些連環拳而興奮囖，搵身邊的人作沙包，打得不知幾痛快。