幾段

幸福零食

今日見到超市有蝦條賣，令我想起年頭在泰國的一個沙灘，我迷上了對住個海食蝦條飲雪碧，加埋另一個人在旁不斷驚嘆我的瘋顛，我有好多年都感受不到的幸福。現在叫我一個人在沙灘食蝦條，我會覺得好pathetic囉。

近幾年的復活節，行過一整排大大小小各式美輪美奐的朱古力蛋，卻感受不到一分復活節氣氛。倒很記得媽咪有年在一間酒店買來的幾只朱古力蛋。雙手捧著裝在配上金綠色絲帶的，清澈透明盒子裏的大大一只朱古力蛋，四、五歲的我覺得好幸福。今天縱使食上一口香滑的朱古力都感受不到那時的幸福。

現在我終于知道點解我有好幾年都唔多自己買零食， 因為沒有我愛的人同愛我的人在身邊，世上原來并無幸福零食。

嘩啦啦

我一直都係好眼淺易喊的。在Theatre睇上一齣電影，眼淚係唔會顧上有無化妝就嘩啦啦留下，只要故事夠悲憫動人夠蒼涼壓抑。睇《Atonement》兩次就喊足兩次。最奇怪係睇《Sense and Sensibility》每場有Elinor同Edward時，總會喊到唔停。

我認為在工作的地方落淚係失禮的。我失禮過一次。那次無端被人屈真的好傷心，斷斷續續喊了半日。還有幾次在工作的地方差點落淚，不過那幾次係被人贊。聽平日會講事講非高高在上巴巴閉的人贊，感覺最多係驚訝詫異。聽實事求是，有碗數碗，有遠見的人贊，那種真誠係好鼓動人心的，每次都令我含淚。

在男朋友面前係唔會掩飾傷心落淚的，所以做我男友都好慘，要忍受我的癲狂、愁臉、及悲觀。

BBC

話時話，BBC制作的那些古典小說adaptation, 每部都好認真，值得收藏。 最近就看了08年BBC 的版本《Sense and Sensibility》，前文都講，我喊唔停囖。反而李安導演的那個電影版，我點睇都未有喊的沖動。雖然李安出名擅長導演壓抑的故事，用電影形式去表達始終有局限，不過更加可能那個版本裏邊有Kate Winslet飾演Marrianne搶走好多戲份，她係那么耀眼演技又一流的演員，她在《Revolutionary Road》裏邊又係搶咗唔少戲份。