養寵物

有朋友中意狗，她在自己的娘家一直有養狗。每次陪她走入寵物店，見她一臉興奮又陶醉的神情，都很不可思議。從相中見過她那隻狗仔被打扮得甜到漏0甘，臉上 還可以半虛僞地笑笑，要我講出讚語就真係唔可能。幸好友人唔係死要迫人讚自己寵物的那種八婆，不然就做不成多年來的朋友。

其實細個時候有養過一些金魚同龜，都算係寵物。一直打理牠們的人唔係我，係媽咪。之後金魚死下一條死下一條，死光了就再也沒有增添過，忽然我有種輕鬆。至 於隻龜，養了很多年，睇住大，閒時中意睇牠食雞肉，又時不時會放牠出來自己爬下，不見好幾日總會再見到，給牠很大自由度，多年來的同住一屋簷都算叫有感 情。點知有日唔記得因咩事，媽咪把牠的竇放在窗臺附近，之後有日唔見了，我同媽咪都有感覺，就係好似知道牠的不見，唔係因爲牠自己在屋里四處溜，而係有感 覺唔會再有牠存在。媽咪傷心地話都係因爲自己大意，真係想不到牠有可能會跳樓死。哎，我就沒有勇氣去睇隻龜條屍啦，都係媽咪有guts,真係落樓尋屍，居 然找到還講述給我聽隻龜死得有幾慘，聽完其實都心寒，好似我地對一條生命的結束要負責0甘。之後當然咩都唔會再養，丁點興致都全無。自己一個生活後就更加 唔會養咩，以我自私又刻薄的為人，點都唔會想要養寵物。

好笑的是，那位朋友初相識之際就話我似Chihuahua, 陪她入寵物店見到隻瞪住對圓圓大眼露出一臉可憐的Chihuahua,她會興奮地話見到Chihuahua就會想起我，又叫我不如養隻，心中當然XX# %%聲，真係有夠無奈。我點睇都比較似貓囉，認真要養，最大可能的scenario會係某天在路上遇到一隻令我感覺到牠需要我將之帯回家的黑色精瘦矯健的 流浪貓。不過這樣矛盾的配搭(精瘦矯健的又何來需要庇護？)，我覺得唔多可能就係啦。