車仔的牢騷

“車仔，我都算唔話得，拿出半日時間在風和日麗的星期六，將你拿去做service服侍得你舒舒服服，又去交拖了一個月的路稅，等你唔使行起路黎心驚驚。最後還很有心機0甘同你洗白白，將你這兩個月來的老泥洗走晒。”

“好似妳無咩選擇，我係應份要去通下腸胃食下靚機油做下周詳的身體檢查，唔係等我某日腸胃曳，訓低左，係妳唔方便咋。仲有，妳自己懶要拖0甘耐都唔去交路稅，心驚驚的應該係妳。唔好以爲同我洗白白就好偉大，人地唔係睇到我邋遢，係睇妳邋遢咋。”

“-X!X·#%*^@……”

“仲 有啊，好心唔好成日超速，妳自己食過一張傑遢遢0既牛肉乾，到處都係camera，拜托就唔好貪一時快意，0甘中意‘阿sir睇我唔到’0既弱智自我欺 騙，認真要改下。唔好以爲我聽唔到，坐過妳車的朋友都有話過妳開得快0架。連有個男的都話妳開得快，妳就唔好0念住辯駁啦。”

“奇怪，有男的話我開得快，我就真係唔可以辯駁否認開得快？你d咩思維黎？家陣養你0甘多年，原來你進化成教導主任啊？犀利啊你。穩日話唔定我頂唔順你囉嗦，將你遺棄。”

“妳估做妳的車仔有幾威，雖然未至於去到有辱無榮，但係妳一點都唔0錫我，阿邊個邊個一個星期就洗一次車，小姐妳自問，除了第一年算叫0錫住我，之後連蜘蛛精纏住我，妳都唔忍心把之趕走。”

“喂， 你知唔知你身在福中不知福啊，我0甘辛苦賺錢黎養你，你唔感激都算，相反要埋怨。我待你實在很不錯了，0岩0岩先用晒我一個星期的成份糧黎給你舒服舒服。 係，我之前好似有忽略你，唔係好似邊個邊個0甘成日同部車洗白白，大佬，我受0甘大打擊，實在無心情啊，現在我心情靚d咪已經即刻0錫番你囖。蜘蛛精趕極 都會纏住你啦，睇下蜘蛛俠幾Q,好心你就寬容d啦。最多summer我個個星期幫你洗到靚靚好未？”

“妳懶就懶啦，咩無心情咩大打擊0甘巴閉，入院割條闌尾0者，大把人慘過你，打擊大過你，唔使成日提住0架。”

" 拿，你未經歷過的事，就最好唔好評論啦，覺得大打擊完全係個人感受啊，好似你未撞過其他車，其他車都未碰過你，你係唔會感受到那種恐怖的。唔可以下下話大 把人慘過我衰過我，就唔可以讓我釋放真實的情感而去強裝無事發生過。我當然知道要遺忘不愉快的經歷，但我總需要時間的。"

“講到我好不合情理0甘，我又無話妳咩，提醒你0者。仲有一樣我要提妳，有彎位的道路，可唔可以再減慢些許，我唔係跑車甚至唔係咩靚車，妳有時又係貪好玩行得很急，夠得我驚。”

“我已經開得好慢啦，你唔係唔知好多人開到有幾喪。得啦，得啦，總之我以後會開慢d啦。不過咪怪我唔提你啊，以後你要被人跟到好貼的時候，就唔好同我講你唔中意。”