One of my quirks

偶爾會想食下金莎,其實不是特別味美，祗係由三四歲食到大，有慣性，四平八穩沒意外。 這也是呢隻朱古力的優點吧，今時今日仲可以到處有得賣，就好似M 記咁，又便又方便一向。中意自己買三粒或五粒裝，反而人地送的一大盒倒覺得沒有這些小巧包裝黎得暢意。今日史無前例居然食到一粒沒有hazelnut的金莎，都知道意大利經濟最近都唔係咁好（其實有邊度係好架？），但都唔使做事都求其起黎。

我食完這些一粒粒有獨立包裝的零食，係會把包裝還完的。 就好似每逢食各式糖果嘉應子咩陳皮梅等等，都會包翻好放入袋裏，而且最賤係食一大包的時候，把食完同未食都混在一起。還迫著身邊的人照做才肯罷休。