第一章總綱第三條：
中華人民共和國的國家機構實行民主集中制的原則。
全國人民代表大會和地方各級人民代表大會都由民主選舉產生，對人民負責，受人民監督。
第二章公民的基本權利和義務第三十五條
中華人民共和國公民有言論、出版、集會、結社、遊行、示威的自由。
---------------------------------------------------------------------------------
八九年民運，對民主訴求係符合憲法。因為沒有民主，所以要爭取。因為政府一直剝奪每個公民權利，所以要抗議示威。維權運動合情合法合理。
有人話，“出戒嚴令，如果學生民眾走散及時，政府就唔需要鎮壓。 ”
咁難道人死了，就係因為他們沒有及時依照戒嚴令去解散所致？他們的死就係咎由自取？咁樣邏輯都可以通，狗屁都可通。
八九年六月四號學生民眾聚集天安門廣場繼續示威靜坐，政府出戒嚴令係違憲的。
戒嚴令一出，點解一定要遵守？本身係違憲，而班學生民眾係維權，是非一清二楚。
有人話，“解放軍死得更多。資料中的死人相有假，西方媒體報道有問題。”
都係那句，唔該中央政府行出黎公開數據，容許公共討論，容許出版有關六四的書籍。解放軍有死人，學生有死人，每個死掉的人好應該清清楚楚公諸于眾，唔係你一言話死得比學生多就證明整件事無需要追究下去。西方媒體報道有問題，那么中國自己開放給自己中國的媒體進行采訪報道跟進吧！請容許相關資料進行收集及公開，好多中國人都等住自己去查出真相的！！
有人話，“要和諧要穩定，鎮壓合理。”
咁樣，希特拉，東條英機不再係戰犯了。
有人話，“唔好嘈啦，過去就過去，要齊心要將中國變得更加強大。”
強大唔凈係經濟發展，要強大，係要面對自己的歷史，檢討自己的過錯。
有人話，“中國不宜有民主，民主國效率低，睇下現在西方發達國有幾唔掂就知。”
美國唔掂，中國會好掂。咁祝中國好運啦。中國不宜有民主，咁不如干脆提出修憲！將人民民主專政改為資本官僚中央集權專政，民主既然咁唔應該爭取，向國際承認！退出聯合國！
|
|
No comments:
Post a Comment