笑爆嘴，bad old cctv!

蜜糖先生推薦這個中央電視臺節目 俾我睇，絕對笑爆嘴！

睇到十年前韓寒在“對話”入邊點樣“被”一堆自己以為係教授學者知識分子去“解構”，從開始明賞暗踩，又陰d陰d咁攻擊，到末段定性為“怪才”“走歪軌”“不良榜樣”，最笑爆嘴就係居然咁大棚人都係出口成屎，這一切都係中國人見慣見屬的自淫伎倆，原來韓寒十年前就早已睇穿，好勁。不過如果真正認同他的人越黎越多，多到認為他腦筋都比 三點水 工 四幸 民 好，咁我就有點擔心他會被封殺囖，聽聞他自己都話已經避開政治唔講，辦的一本文學雜志連申請出版都唔成功，真係要睇下他可以繼續出咩蕉。

咁笑爆嘴之余，針對這短片的留言其實都好精彩。例如有個話：

“正因为有片子里这些所谓的大人,长辈，学者，主持人。。我们的国家才发展成这样。别整天跟我说 你们这代人发展了经济，8090后垮掉什么的，看看日本的跟你们同龄的中年人，再看看你们自己----我呸。中国要真正的发达，就是在你们这批人死光的时候。 ”

居然無被刪，真係覺得好神奇囖！咩事先，乜家陣中國的世代隱憂已經去到咁嚴重？家陣雖然鬧阿爺鬧到狗血淋頭的很多網民被河蟹，原來唔聲唔聲已經發展出第二戰線：譴責話緊事的世代！唸真，呢個好似好難被河蟹，真係可以無心插柳咁整咗條曲線出黎？